Гвардиола Кейин де Брюйнени кетказиш фикри кимдан чиққанини ошкор қилди

 “Манчестер Сити” бош мураббийи Хосеп Гвардиола бельгиялик юлдуз Кевин де Брюйне билан хайрлашиш қарори кимга тегишли экани ва унинг сабабларини келтириб ўтди.

- Қарор клуб томонидан қабул қилинди. Клуб нима бўлганда ҳам клуб. Қарор менга, Чики Бегисристайн ва клубга тегишли. Ҳамма гап шунда. Клуб олдинга қараб ҳаракат қилиши керак.

Эришилган кўрсаткичларни такрорлаш қийин бўлади, лекин биз бошқа сифатларни ҳам топишимиз лозим. Жамоа мавсумни қандай якунлашига қараймиз. Кевин шартномаси тугаётган ягона футболчи. Қолганларнинг битими амалда. Улар билан нима қилишни ҳали ўйлаб кўрганимиз йўқ.

Клуб Кевин де Брюйнега ҳамма нарсани берди, у ҳам жамоага борини бағишлади. Бу ерда ўтказилган йилларни хотирлаш ёқимли туйғуларни беради ва буни унутиб бўлмайди, - деди Хосеп Гвардиола.

Кевин де Брюйне “Манчестер Сити”га 2015 йили “Вольфсбург”дан 76 миллион еврога олиб келинган. Моҳир плеймейкер “шаҳарликлар” сафида 18 та совринга эга бўлди.