Гонсало Игуаин 17 ярим йиллик фаолиятидан кейин карьерасини якунлади

“Интер Майами” ҳужумчиси Гонсало Игуаин фаолиятини якунлаганини маълум қилди.

Игуаин клуб расмий сайтига берган интервьюсида 17 ярим йиллик фаолияти давомида кўп нарсаларни бошдан кечирган ҳолда фаолияти якунланганини айтди. 

34 ёшли аргентиналик ўзининг узоқ йиллик фаолияти давомида “Ривер Плейт”, “Реал”, “Наполи”, “Ювентус”, “Милан”, “Челси” клубларида тўп тепишга муваффақ бўлди ва охирги жамоаси эса “Интер Майами” ҳисобланади.

Шунингдек, Игуаин Аргентина терма жамоаси сафида 75 та ўйин ўтказиб, ўз ҳисобига 31 гол ва 14 та голли узатмани ёздириб қўйган.