Гарначо: Финалгача ҳар бир босқичда майдонга тушдим, бу баҳсда эса 20 дақиқа ўйнадим

Алехандро Гарначо Европа лигаси финалида ўзига берилган вақтдан норози. 

"Манчестер Юнайтед" финал баҳсида "Тоттенхэм"га 0:1 ҳисобида имкониятни бой берди. Аргентиналик футболчи асосий таркибга киритилмади ва иккинчи бўлимнинг 71-дақиқасида майдонга тушди. 

"Ҳеч кимга осон эмас. Ёмон мавсум. Биз финалда мағлуб бўлдик ва Премьер-лигада ҳеч қайси жамоани мағлуб эта олмадик. 

Бизга кўп нарса етишмади. Гол урмасангиз, кўпроқ ҳаракат қилишингиз керак. 

Финалгача ҳар бир босқичда майдонга тушдим ва жамоага ёрдам бердим ва бу баҳсда 20 дақиқа ўйнадим. Сабабини билмайман! 

Келажагимга тўхталадиган бўлсак, мен ёздан завқ олишга ҳаракат қиламан. Кейин нима бўлишини кўрамиз", - деди "қизил иблислар" вингери.