Французлар Мбаппенинг устидан куляпти

ПСЖ ва Франция терма жамоасида ўйнаган машҳур футболчи Жером Ротен “Реал” Европа Чемпионлар лигасини тарк этганидан кейин жамоа етакчиси Килиан Мбаппени танқид қилди.

Собиқ футболчи ўз ҳамюрти ПСЖни тарк этгани катта хато бўлганини таъкидлади.

- Одамлар Килиан Мбаппени муҳокама қилмоқда. Бу футболчи барча совринлар, хусусан Европа Чемпионлар лигаси чемпионлигини қўлга киритиш учун орзусидаги жамоа – “Реал”га кўчиб ўтган эди. Мбаппе мадридликлар сафига дунёнинг энг зўр ўйинчилари қаторига қўшилиш ва “Олтин тўп”ни ютиш учун ўтган.

Одатда, янги жамоага ўтганингда мослашиш учун вақт берилади ва талаб унчалик қаттиқ бўлмайди. Лекин сен Килиан Мбаппе бўлсанг кўникиш вақти анча қисқаради.

Ҳар қанақасига олиб қараманг, Мбаппе учун мавсум барбод бўлди. Бу мавсум Килиан “Олтин тўп”ни қўлга кирита олмайди. Мбаппе кўп гол ураётган бўлса-да, ўйини ҳамон расво, - деди Жером Ротен.