"Эйндховен бокс кубоги". Абдумалик Халоков ва Асадхўжа Мўйдинхўжаев қийинчиликсиз кейинги босқичга чиқди
Хабарингиз бор, айни кунларда Нидерландиянинг Эйндховен шаҳрида "Эйндховен бокс кубоги" мусобақаси ўтказилмоқда. Бугун 2 нафар чар қўлқоп устамиз рингга кўтарилиши белгиланганди.
-60 кг вазнда бўлиб ўтган баҳсда, Абдумалик Халоков озарбайжонлик Маҳаммадали Гасимзадани қийинчиликсиз мағлуб этди - 5:0.
Асадхўжа Мўйдинхўжаев -70 кг вазнда германиялик Омар Слоианни яққол устунлик билан енгди - 5:0.
Эслатиб ўтамиз, "Эйндховен бокс кубоги" 9 июнга қадар давом этади.
Comments