"Евро-2024". Яна бир футболчининг бурни синди

Швейцария терма жамоаси ҳимоячиси Фабиан Шер Шотландия билан Европа чемпионати гуруҳ босқичи ўйинида бурнини синдириб олди.

19-дақиқада Шер шотландиялик Энтони Ралстон билан тўқнашиб кетди ва иккала футболчига ҳам тиббий ёрдам кўрсатилди.

“Менинг бурним синибди. Кутганимиздек, тўқнашувлар ва дуеллар кўп бўлди. Улар бизнинг вазифамизни жиддий равишда мураккаблаштиришди. Ҳамма учун кескин ўйин бўлди ва бу ҳам ўйиннинг бир қисмидир", - дея Шернинг сўзларини келтирмоқда "Blue Sport" нашри.