Эрик тен Хаг: "Мартинес 27-декабрда қайтиши керак эди"

“Манчестер Юнайтед” футболчиси Лисандро Мартинес жаҳон чемпионига айланганидан сўнг ҳали клубга қайтиб келмади. Эрик Тен Хаг эса бундан жахли чиққан. У вазиятни қуйидагича изохлади:

“У ҳали ҳамон ғалабани нишонламоқда. Бу жуда ҳиссиётли эканлигини тушунаман. Мамлакатингиз чемпионликка эришиши – бу сизнинг энг юқори даражага чиққанингизни кўрсатади. Аммо Мартинес 27 декабрда қайтиши керак эди”, - деди 52 ёшли мутахассис.

“Варан, албатта, финалда мағлуб бўлиб, ҳафсаласи пир бўлган. Унинг терма жамоаси чемпион бўлишга жуда яқин эди.
Бизда режа бор. Ҳеч ким алоҳида дам олиш ҳуқуқига эга эмас. Футболчилар буни қабул қилиши керак”, - дея қўшимча қилди Тен Хаг.

“Манчестер Юнайтед”ни олдинда Премьер-Лиганинг 17-туридан ўрин олган "Ноттингем Форест"га қарши бахс кутмоқда.