ЕЧЛ. "Реал"нинг "Брага"га қарши қайдномаси эълон қилинди

Эртага Европа чемпионлар лигаси гуруҳ босқич ўйинлари давом эттирилади. 

Мадриднинг "Реал" клуби бу сафар "Сантьяго Бернабеу"да Португалиянинг "Брага" жамоасини қабул қилади. Мазкур баҳс учун "қироллик клуби"нинг кенгайтирилган таркиби эълон қилинди. Арда Гюлер ҳам таркибга киритилди ва катта эҳтимол билан эртага дебют қилади.

Эслатиб ўтамиз, "қаймоқранглилар" 3 ўйиндан сўнг 9 очко билан "С" гуруҳида пешқадамлик қилмоқда. "Брага" эса 3 очко жамғариб, 3-ўринни эгаллаб турибди.