Дьёкерешнинг агенти футболчини "Реал"га таклиф қилди. Жавоб эса ...

Португалиянинг "Спортинг" клубида ҳаракат қилаётган Виктор Дьёкерешни Мадриднинг "Реал" клубига таклиф қилишган, деб хабар бермоқда машҳур журналист Марио Кортегана.

Маълум бўлишича, форварднинг агенти футболчини "қироллик клуби"га таклиф қилган. Лекин жамоа президенти Флорентино Перес клубга керак эмас, унинг позициясида етарлича ўйинчилар бор деб ҳисоблаб, рад жавобини берган.

Бу мавсумда 27 ёшли тўпурар барча мусобақаларда 52 та учрашувда майдонга тушиб, 54 та гол урди ва 13 та голли узатма билан ажралиб турди. Ҳаттоки, олтин бутса учун ҳам курашаётган эди. Аммо сўнгги учрашувларда умумий фоиз бўйича Килиан Мбаппе илгариб кетиб, совринни қўлга киритди.

Transfermarkt портали Дьёкерешни 75 миллион еврога баҳолаган. Унга ҳозирда "Ювентус" ва "Арсенал" клублари жиддий қизиқиш билдирмоқда.