Денис Коростиченко энди "Олимпик"да ишламайди

Тошкентнинг “Олимпик” клуби икки босқичли плей-офф учрашувларида мағлубиятга учрагач, Суперлигани тарк этганини биласиз.

Sports.uz сайтига маълум бўлишича, бош мураббий Денис Коростиченко бугун истеъфога чиқарилди. Мутахассис Sports.uz журналистига бу хабарни тасдиқлади. Коростиченко “Олимпик”да жорий йил бошидан ишга киришган ва мавсум ўртасида бош мураббий лавозимига тайинланганди.

Маълумки, “Металлург” клуби Суперлигада иштирок эта олмаслиги аниқ бўлгач, ЎзПФЛ унинг ўрнига биринчи номзод сифатида “Олимпик” клубини кўрсатган. Воқеалар ривожини кузатишда давом этамиз.