Дембеле Франция терма жамоасидаги рақамини ўзгартирди

ПСЖ ҳужумкор ярим ҳимоячиси Усмон Дембеле Франция терма жамоасида бошқа рақам олди. Терма жамоа матбуот хизмати хабарига кўра, вингер шу кунгача Антуан Гризманга тегишли бўлган еттинчи рақамни олди.

Гризманн яқинда Франция терма жамоасидаги фаолиятини якунлаганини эълон қилган эди. Бунгача Дембеле терма жамоада 11-рақам остида тўп сурган. У Франция терма жамоасида 2016 йилдан буён ўйнаб келмоқда.

Усмон ўтган давр мобайнида Франция терма жамоаси таркибида 49 та учрашувда иштирок этиб, 5 та гол урган. 27 ёшли футболчининг трансфер қиймати 60 миллион еврога баҳоланмоқда.