Де ла Фуэнте: "Ямал нима қилаётганини яхши билади"

Испания терма жамоаси бош мураббийи Луис де ла Фуэнте Ламин Ямални ҳимоя қилиш кераклигини таъкидламоқда.

- Албатта, биз уни асрашимиз лозим. Ҳаммамиз унинг ноёб ўйинчи эканлигини кўриб турибмиз, аммо ҳамма нарсага вақт керак. У буни жуда яхши тушунади, диққатини жамлаган ва менимча, ёшига нисбатан анча етук. У нима қилаётганини билади.

Эшитишимча, Ламинда голлар етишмаётган эмиш. Мен баъзи одамлар гўё Марсда яшаётгандек деб ўйлаб қоламан, - деди мутахассис.

Маълумот учун, 17 ёшли иқтидор эгаси Ямал якунига етган мавсум барча мусобақаларда 55 та ўйинда майдонга тушиб, 18 та гол ва 25 та голли узатмани ўз ҳисобига ёздириб қўйди.