Бу футболчининг келажаги Роналдуга боғлиқ!

“Барселона”дан кетиши керак бўлган Мемфис Депай фаолиятини “Манчестер Юнайтед”да давом эттириши мумкин. Лекин унинг Манчестерга қайтиши Криштиану Роналдуга боғлиқлиги айтилмоқда.

“Манчестер Юнайтед” ҳужум чизиғини кучайтиришга қарор қилган ва номзодлар орасида нидерландиялик ҳужумчи ҳам бор. Бу трансфер амалга ошиши иккита омилга боғлиқ.

Биринчи навбатда, манчестерликлар асосий нишон сифатида қайд этган “Аякс” ҳужумчи келса, Депайнинг кераги бўлмай қолади.

Иккинчидан Криштиану Роналду Чемпионлар лигасида қатнашадиган жамоага ўтиб кетса, Антони келган тақдирда ҳам Депай трансфери амалга оширилади. Агар Роналду қоладиган бўлса, Мемфис ўзига бошқа жамоа қидиради.

Мемфис Депай 2015-2017 йиллари “Манчестер Юнайтед” шарафини ҳимояи қилиб, 53 та учрашувда еттита гол ва олтита ассист қайд этган.