Бензема: "Матбуотда мен ҳақимда чиқаётган хабарларнинг барчаси ёлғон"

"Навбаҳор" устидан 2:1 ҳисобида ғалаба қозонган "Ал-Иттиҳод" ҳужумчиси Карим Бензема ўйиндан кейин журналистларнинг айрим саволларига жавоб берди. 

"Мен ҳақимда чиқаётган хабарларнинг барчаси ёлғон. Марсело Гальярдо билан ўртамизда ҳеч қандай адоват йўқ. Барчаси яхши. Шунингдек, Европага қайтишни истаётганимни ҳам айтмаганман. Мен Саудия Арабистонида бахтлиман", - деди франциялик футболчи. 

Карим "Навбаҳор"га қарши баҳсда дастлаб ўз дарвозасини ишғол қилиб қўйди. Аммо у Ҳамдаллаҳга голли пас бериб, ҳисобни тенглашишига ўзининг ҳиссасини қўшди.