“Барса”: Шу юлдузимизни олинглар!

“Барселона” раҳбарияти бразилиялик плеймейкер Филиппе Коутиньодан қутилмоқчи. Рональд Куман янги мавсумда унга имконият бермоқчи эмас.

Шу боис, Каталония клуби раҳбарияти Коутиньони “Лацио”га таклиф қилмоқда. “Барселона” қимматбаҳо юлдузни 25 миллион еврога қўйиб юбориши маълум қилди.

“Барселона” янги футболчиларни рўйхатдан ўтказиш учун маошлар фондини сезиларли даражада пасайтиришга мажбур бўлмоқда. Улар айнан шу муаммо туфайли Лионель Мессини қўлдан чиқарди.

Коутиньо ўтган мавсумда Испания чемпионатида атиги 12 та учрашувда қатнашиб, тўртта голли пас муаллифи бўлди.