“Барса” футболчиси ҳеч кимга керак эмас

“Барселона” клуби ўзи бир пайтлар базўр қўлга киритган Самуэль Умтитидан қутила олмаяпти. Бу футболчини ўз сафига қўшиб оладиган жамоа топилмаяпти.

Аввалроқ, “Ливерпуль”  Умтитига қзиқиш билдирган эди. Бироқ, Клопп уни олиш фикридан қайтди.

Франциялик ҳимоячи каталонияликлар таркибига 2016 йилнинг ёзида “Лион”дан олиб келинган эди.  Ўшанда “Барса” 25 миллион евро тўлаб, бир неча рақобатчи жамоаларни ортда қолдирган.

27 ёшли футболчининг ўйин амалиёти тобора камайиб кетмоқда. У Ўтган мавсумда 13 та учрашувда қатнашганди. Бу йил эса ўн марта майдонга тушди.  Рональд Куман келаси мавсумда Умтитини ўйнатмоқчи эмас.

Каталонияликлар уни 10 миллион еврога қўйиб юборади. Умтитининг амалдаги шартномаси 2023 йилнинг ярмигача тузилган.