“Атлетико” азалий рақиби “Реал”дан футболчи олмоқчи

“Атлетико” ўз таркибини кучайтириш мақсадида “Реал”нинг чап қанот ҳимоячисини ўз сафига қўшиб олмоқчи. 

TodoFichajes хабар беришича, Диего Симеоне анчадан бери Фран Гарсиани “матрасчилар” сафида кўрмоқчи. Аргентиналик мутахассис 25 ёшли футболчини олдин ҳам жиддий қизиқиш билдирган.

Ёзда “қироллик клуби” Альфонсо Дэвисни ўз сафига қўшиб олиши кутулмоқда. Шу сабабли, Фран Гарсиа ёки Ферлан Менди клубни тарк этади. Испаниялик фулбекнинг нархи 15 миллион еврога баҳоланмоқда.