"Аталанта" тарихий рекордини янгилади

Хабарингиз бор, кеча “Аталанта” А Сериянинг 27-турида ўз майдонида “Лацио”ни мағлубиятга учратди.

Эътиборлиси, Жан Пьеро Гасперини жамоаси А Серияда бир мавсумда гол уриш бўйича ўзларининг шахсий рекордларини янгилашди. “Аталанта”нинг бу борадаги рекорди ўтган мавсум қайд этилган эди. Ўшанда ушбу жамоа бутун мавсум давомида 77 та гол уришган.

Улар бу мавсум ҳам ҳозирча 77 та гол уришди, аммо бу 27 та турда амалга оширилгани боис аввалгисидан яхшироқ натижа ҳисобланади.

“Аталанта” ҳозирча А Серия мусобақа жадвалида пешқадам “Ювентус”дан 12 очко кам жамғарган ҳолда 4-ўринда бормоқда.