Артета "Ливерпуль" ҳужумчисини жамоага олиб келмоқчи

"Ливерпуль" ҳужумчиси Дарвин Нуньес фаолиятини Англия премер-лигасининг бошқа топ-клубида давом эттириши мумкин. Бу ҳақда "deadlinedaylive" хабар бермоқда.

Маълумотларга кўра, Уругвайлик марказий ҳужумчини Лондоннинг "Арсенал" клуби ўз сафига қўшиб олмоқчи. "Канонирлар" бош мураббийи Микель Артетанинг шахсан ўзи Дарвинни қўлга киритишни талаб қилмоқда.

Нуньеснинг трансфер нархи 65 миллион еврога баҳоланмоқда. Унинг мерсисайдликлар билан амалдаги шартномаси 2028 йилнинг июнь ойи охиригача мўлажалланган.

Маълумот учун, Англия чемпионатининг жорий мавсумида ҳужумчи 23 та баҳсда майдонга тушди. Нуньес ўз ҳисобига бешта гол ва иккита голли узатмани ёздириб қўйди.