Антонио Рюдигер: " Мен бирга ўйнаган энг яхши футболчи бу- Бензема"

Антонио Рюдигер куни кеча бир подкаст меҳмони бўлди. Суҳбат давомида ундан ўзи учун энг яхши шерик ва энг яхши рақиб деб кимларни ҳисоблашини сўралди. Футболчи мазкур саволга қуйидагича жавоб берди:

"Мен ўйнаган энг яхши футболчими? Менимча бу- Карим Бензема.

Аслида Лука Модрич, Тони Кроос ёки Эден Азарни тилга олишим ҳам мумкин эди. Лекин барибир Бенземани танлайман. Чунки у ажойиб ҳужумчи еди. Ақл бовар қилмайдиган иқтидор соҳиби. Жаҳон даражасида тан олинган футболчи.  

"Энг мушкул рақиб эса, Серхио Агуэро эди. Бу йигитга қарши ўйнаш жуда қийин бўлган. Мен бу ерда Месси ёки Роналду дейишим мумкин еди. Бироқ, улар ерлик эмас. Умуман бошқа сайёрадан. Шунинг учун оддий одамлардан бирини танладим", — дея қўшимча қилди Рюдигер.