Анчелотти: "Энди мураббийлик лицензиямни йиртиб ташлашим шарт эмас"

"Реал" бош мураббийи Карло Анчелотти шогирди Федерико Вальверде намойиш этаётган сермаҳсуллик ҳақида гапирди.

Уругвайлик ярим ҳимоячи Клублар ўртасидаги Жаҳон чемпионати финал учрашувида дубль қайд этиб, "Ал-Ҳилол"нинг мағлуб этилишига ўзининг муносиб ҳиссасини қўшди. Бу орқали у жорий мавсумдаги голлари сонини 11 тага етказиб олди.

"Мен Федега ўзининг 11-тўпини киритгани учун миннатдорчилик билдираман. Энди мураббийлик лицензиямни йиртиб ташлашим шарт эмас",-деди италиялик мутахассис.

Маълумот учун, Анчелотти мавсум аввалида Вальверде мавсум давомида 10 тадан кўп гол урмаса, мураббийлик гувоҳномасини йиртиб ташлашга ваъда берганди.