Анчелотти дунёнинг энг зўр жамоаси номини айтди

“Реал” бош мураббийи Карло Анчелотти айни пайтда жаҳоннинг энг зўр жамоаси қайси экани ҳақида ўз фикрини билдириб ўтди.

- Буюк клубларда мураббийлик қилиш бахтига муяссар бўлдим. Айниқса, “Милан”га ўзгача боғланиб қолганман, чунки футболчи сифатида ўша жамоа тўп тепдим. Лекин “Реал” дунёдаги энг яхши клуб, бунга ҳеч қандай шубҳа бўлиши мумкин эмас, - деди Карло Анчелотти.

Мадридликлар италиялик мутахассис қўл остида ўтган мавсумда Испания чемпионлиги ва Европа Чемпионлар лигаси бош совринини қўлга киритди.

Карло Анчелотти бош мураббий сифатида “Парма”, “Ювентус”, “Милан”, “Пари Сен-Жермен”, “Челси”, “Бавария”, “Наполи” ва “Эвертон” каби клубларда фаолият юритган.