Ана омад! Ҳеч кимга керак бўлмай қолган Серхио Рамосга суперклубдан иш чиқяпти

Ёзда “Севилья”дан кетганидан бери иш топа олмаётган Серхио Рамос фаолиятини “Ювентус”дан давом эттириши мумкин.

Tuttosport нашрининг ёзишича, “Ювентус”нинг асосий ҳимоячиси Глейсон Бремер оғир жароҳат олди ва туринликлар унга ўринбосар қидирмоқда.

Турин суперклуби раҳбарияти 38 ёшли Серхио Рамос жамоанинг ҳимоя чизиғини кучайтира олишига ишонмоқда. Қолаверса, унинг эркин агент мақомида юргани ишни осон кўчишини таъминлайди.

Серхио Рамос янги жамоа топиш мақсадида АҚШ, Мексика, Бразилия ва Миср клублари билан музокара олиб борди. Лекин томонлар ҳамкорлик борасида келиша олмади.