Смолов ҳафта сўнггига қадар Денисовнинг жамоадошига айланади

“Краснодар” клуби форварди Фёдор Смолов яқин кунлар ичида ҳамюртимиз Виталий Денисов тўп сурадиган “Локомотив”га кўчиб ўтади. Бу ҳақда «Спорт-Экспресс» нашри хабар тарқатмоқда.

Унга кўра 28 ёшли Россия терма жамоаси аъзоси жорий ҳафта сўнггига қадар “темирйўлчилар” билан шартнома имзолайди.  Айни дамга келиб эса ҳар иккала жамоа раҳбарияти бу борада ўзаро келишувга эришиб бўлишган.

Берилган маълумотларга кўра “Локо” Смоловнинг трансфери учун “Краснодар”га 9 миллион евро тўлайди ва у билан 4 йиллик шартнома имзолайди.