"Рома" форварди Турин клубига кўчиб ўтиши мумкин

Туриннинг "Торино" клуби "Рома" ҳужумчиси Стефан Эл-Шааравига жиддий қизиқиш билдира бошлади.

Football Italia тарқатган хабарга кўра туринликлар 25 ёшли футболчини янги мавсум бошланишига қадар ўз сафига қўшиб олишмоқчи ва улар бу борада римликлар билан музокараларни ҳам бошлаб юборишган.

Маълумот учун, Эл-Шаарави ўтган мавсум "Рома" сафида жами 44та баҳсда майдонга тушган ва рақиблари дарвозасига 9та гол киритишга эришган.