Пьяничга АПЛдан харидор чиқди

Туриннинг "Ювентус" клуби ярим ҳимоячиси Миралем Пьянич фаолиятини премьер-лигада давом эттириши мумкин.

Хабарларга қараганда 28 ёшли босниялик футболчига Лондоннинг “Челси” клуби қизиқиш билдира бошлаган. “Аристократлар” Пьянични жамоани тарк этиши кутилаётган Эден Азарнинг ўрнига муносиб кўришмоқда.

Эслатиб ўтамиз, бундан аввалроқ “Ювентус”нинг янги аъзоси Криштиану Роналду раҳбариятдан Пьянични сотмасликни сўрагани ҳақида хабарлар тарқалган эди.