"Милан" "Челси"дан чегирма талаб қилмоқда

Яхши биласиз, Бакайоконинг трансфер ҳуқуқи "Челси"га тегишли ва "аристократлар" уни "Милан"га бир мавсумга ижарага беришган эдилар. 

Football Italia хабарига кўра, "россонерилар" 24 ёшли футболчини 25 млн евро эвазига сотиб олишга тайёрлар. Франциялик футболчининг товон пули эса 40 млн еврони ташкил этади ва италияликлар "Челси"дан 15 млн евро чегирма қилинишини сўрамоқда.

Илгарироқ эса "Милан" раҳбарияти Бакайоконинг ҳаракатларидан норози эканлиги ва уни январдаёқ ортга қайтармоқчи эканлиги борасида хабарлар тарқалган эди.