Лёв Клоппнинг гапларига жавоб қайтарди

Германия терма жамоаси бош мураббийи Йоахим Лёв "Ливерпуль" устози Юрген Клоппнинг Миллатлар лигаси энг фойдасиз турнир экани борасида айтлган гапларига ўз муносабатини билдирди.

"Кўпчилик клубда ишлайдиган мураббийларга терма жамоаларнинг ўйинлари ёқмайди. Боиси "Ливерпуль", "Бавария" ёки "Манчестер Сити"нинг кўплаб футболчилари ўз термаларига кетишади. Шу боис улар жамоа билан яхши вақт топиб шуғуллана олишмайди.

Менга терма жамоа мураббийи сифатида Миллатлар лигаси ёқади. Биз бу ерда энг кучли термаларга қарши ўйнай оламиз. Бу кучсиз жамоаларга қарши ўртоқлик ўйини ўтказгандан кўра яхши", - деди Лёв.