Лопетеги Роналдуни “Реал”да қолишга кўндира олмади

Мадриднинг “Реал” клуби бош мураббийи Хулен Лопетеги ҳужумчи Криштиану Роналдуни жамоада олиб қолишни истамоқда.

Mundo Deportivo нашри тарқатган хабарга кўра Лопетеги португалиялик футболчига шахсан қўнғироқ қилиб, уни жамоада қолишга кўндирмоқчи бўлган, аммо Роналду унга ўз қарорини ўзгартирмаслигини айтган.

Эслатиб ўтамиз, бундан аввалроқ Роналду “Ювентус” устози Массимилиано Аллегрига қўнғироқ қилиб, у билан бўлажак трансфер борасида гаплашгани ҳақида хабарлар тарқалган эди.