Иско учун А Сериянинг икки гранди кураш бошлади

Италиянинг икки гранди “Реал” Мадрид ярим ҳимоячиси Иско учун кураш бошлади. Бу ҳақда Calciomercato нашри хабар тарқатмоқда.

Юқоридаги манбаанинг ёзишича 26 ёшли испаниялик футболчига "Ювентус" ва "Наполи" жиддий қизиқиб қолган. Ушбу жамоалар Искони сотиб олишга яқинлашиб келаётган қишки трансферлар чоғидаёқ уруниб кўришмоқчи. Айтиш лозимки, ушбу трансфер А Серия грандларига тахминан 90 млн еврога тушиши мумкин.

Қолаверса, Исконинг ўзи ҳам “қироллик клуби”дан кетишга ва бош бир жамоада енг муҳим футболчига айланишга қарши эмас.

Маълумот учун, Иско “Реал” сафида 2013 йилдан буён тўп суриб келмоқда. У ўтган давр мобайнида жами 252та ўйинда майдонга тушиб, ўз ҳисобига 44та гол ҳамда 53та голли узатма ёздириб қўйишга эришган. Унинг мадридликлар билан амалдаги шартномаси 2022 йилга қадар имзоланган.