Бугун “Атлетико”га қарши Бускетс асосийда, Иньеста эса заҳирадан майдонга тушиши кутилмоқда

Аввал хабар берганимиздек Каталониянинг “Барселона” клуби етакчи футболчилари Андреас Иньеста ва Серхио Бускетслар бугун Мадриднинг “Атлетико” жамоасига қарши бўлиб ўтадиган Испания кубоги ярим финал жавоб учрашувида майдонга тушишлари мумкин.

Испаниянинг Sport нашри тарқатган хабарларга кўра Бускетс бугунги ўйинни бошланғич таркибда бошлаши мумкин, Иньеста эса учрашувга заҳирадан қўшилиши кутилмоқда.

Эслатиб ўтамиз, “Барселона” ва “Атлетико” жамоалари” ўртасидаги баҳс бугун “Камп Ноу” стадионида Тошкент вақти билан 01:00да старт олади.